Tuesday, February 5, 2013

ගීත විචාර -නිය පහුරැ වැදුණු හිත බලපන්ෙන්

නිය පහුරැ වැදුණු හිත බලපන්නේ

සඳගිරි පව්ව උසයි
කිඳුරා හරිම වසයි
මං ගෙදර එන්න ආවා අම්මේ
දොර අරින්න නුඹ විතරයි ඉන්නේ

රත්තරන් කියා කඩුතුඩ
මං ඇනගත්තේ පපුවට
නුඹ එපා කියද්දීමයි අම්මේ
මේ කුලගෙය දැන් ගිනිගෙය වැන්නේ

සල්පිලෙන් අරන් නටවන
කිඳුරියන් රඟන සඳගිර
මට අරැමෝසම් හුරැ නෑ අම්මේ
නිය පහුරැ වැදුණු හිත බලපන්නේ

පදරචනය - රවී සිරිවර්ධන
ගායනය -ශානිකා සුමනසේකර
සංගීතය -දර්ශන වික්රසමතුංග
පාන්දරින් නැගිට පාන් පෙත්තක් ගිලදමා වැඩට දුවන අපිට ඉඩක් ලැබෙන විනාඩියට දෙකට ඇහෙන ගීත අතරෙ මේ ගීතය කවමදාවත් නෑසෙන බව අපි හොඳිම්ම දන්නවා. රේඩියෝ චැනල්වල ඉන්න ඉංගිරීසි වචන ටිකක් විතරක් දන්න කලාවක් නොදන්න සමහරැ ට්රෙචන්ඩ් එකට චැනල් එක රුකගන්න ගහන සින්දුවල මේ ගීතය නැතුවැති. ඒ හින්ද පුළුවන් වෙලාවක තිබුණොත් අහල බලන්න හිතෙන ගීතයක් ගැන තරැණයා පාඨක ඔබට කියන්නයි මේ සූදානම.
සාමාන්ය යෙන් පරිණත නිර්මාණයක ලක්ෂණ හොයාගන්න පුළුවන් යමක නැවුම් බවක් තිබීම සහ ජිවිතයට ගැඹුරක් ලබාදීම කියන කරැණ මතයි. සමහරැ කියනවනෙ සින්දුවක ලොකු දෙයක් කියන්න බෑ කියල. එහෙම කියන්නෙ හරියට සින්දුවක් ලියන්න බැරි සහ රස විඳින්න බැරි පිරිස්.පුංචි සංසිද්ධියක් අරගෙන ඒකෙ තියෙන ගැඹුර සරල භාෂාවෙන් කියන්න පුළුවන් අයට අපි කියනව වචනයේ පරිසමාප්ත අර්ථයෙන්ම ගී පද රචකයෝ කියල.
දැන් අපි ගීතය පැත්තට හැරෙමු.
හැබැයි මේකත් කියන්න ඕන විදග්ධයන් යැයි කියනා පිරිස් නිර්මාණ නොකර ඔළු හංගාගෙන ඉන්නා වෙලාවක කටුස්සන් රජයන වෙලාවක රවී සිරිවර්ධනයන් සිය තෙලිතුඩ නිදිකරවා නොගත් එකට පළමුවෙන්ම පින්දෙන්න ඕන. මාර්කට් එකට මල් සින්දු ලියන, මෙලෝ රහක් නැති ආදරේ හිරිකිත කරවන අක්මුල් නැති සමාජයක මෙවන් පදවැල් ඉතිරි වී තිබීම ගැනත් අපි පුදුම වෙන්න ඕන. එහෙම කියන්නෙ අතීතය මාරයි දැන් නරකයි කියන එකනං නෙවෙයි. කසාදය කියන්නෙ සොඳුරැ ලෝකයක් කියල මල් හීන කන්දක් ඔළුව උඩ තියන් වෙඩින් ගන්න හුඟ දෙනෙකුට අයත් වෙන ඉරණම ගැන තමයි රවී සිරිවර්ධනයන් මේ ගීතයට පාදක කරගන්නෙ. ඒ ගැන අපි ඔහුගෙම්ම අහල බලමු
&මේ ගීතයේ පද රචනයට පාදකවෙන්නෙ හිතුවක්කාර විදියට විවාහයක් කරගත්ත තරැණියකගේ පාපොච්චාරණයක් විදියට. මීට පාදක වුණේ මගේ ඥාති සොහොයුරියකට සිදුවූ සිදුවීමක් හා අප ආශ්රි තයන්ගේ සිදුවීම් කිහිපයකුයි. එම වස්තු විෂයයට ජනවහරේ එන සඳකිඳුරැ ජාතකයත් එකතු කළා. සඳකිඳුරැ ජාතකයේ දැක්වෙන්නේ සදාදරණීය ප්රේළමයෙන් වෙළෙන පෙම්වත් යුවළක් . මෙහි පෙම්වතිය යන්නේ පෙම්වතාගේ නිවසට හෙවත් සඳගිරි පව්වට
සඳගිරි පව්ව උසයි කිඳුරා හරිම වසයි
නමුත් අපේක්ෂිත අයුරින් ඇයට අතිශය ප්රේටමාන්විත සඳකිඳුරාව හමුබවෙන්නෙ නෑ. නමුත් ඇය බලාපොරොත්තු වුණු සුන්දර ආදර වදන් වෙනුවට ඇයට ඇනුම් බැණුම් තමයි ඇහෙන්නෙ. ඒ අනුව ඇයට විවාහය ඇතුළෙ අත්විඳින්න ලැබෙන කර්කශ සහ කඨෝර අත්දැකීම් තමයි අත්විඳින්න ලැබෙන්නෙ. අන්තිමට ඇය සියල්ල පොදි බැඳගෙන ගෙදරට ඇවිත් දොරට තට්ටු කරනව.*
&දොර අරින්න නුඹ විතරයි ඉන්නේ....*
හිතුවක්කාර ප්රේනමයක හෝ යෝජිත විවාහයක කර්කශ අත්දැකීම රුගෙන නිවසට පැමිණ දොරට තට්ටු කරන දුක්මුසු හඬ ඔබේ හද තුළ මවන්නට තරම් ඔහුගේ වදන්වැල දර්ශනගේ සංගීතයෙන් කොතරම් දුක්මුසු ලෙස චිත්තරෑප නොමවයිද?
& මෙහි කියවෙන අනිත් කාරණය තමයි අද කාලෙ වැඩිමනක් ඉන්නෙ ආදරේ වෙනුවට මුදලට ගිජුවෙච්ච පරම්පරාවක කසාදය හොයන අය ඒ නිසයි මෙහි
සල්පිලෙන් අරන් නටවන කිඳුරියන් රඟන සඳගිර කියන යෙදුම එන්නෙ. *
ඔහු කීවේ ඇත්තකි වාණිජවාදී සමාජයක හුස්මක් කටක් නොගෙන දුවන අප කසාදයද හොඳ බරක් තියෙන තැනකින් ඉල්ලා සිටිමු. කසාදය තුළද අමාරැවෙන් හිනාවෙවී ඔහේ සිටිමු.එහෙත් ඇයට ඒ බොරැව කළ නොහැක. ඒ කර්කශය දරාගත නොහැකි ඇය අම්මා වෙතට විත් පාපොච්චාරණය කරනා පරාජිත හඬින් මිමිනෙන ඇගේදුක්මුසු හඬ අසමු.
නිය පහුරැ වැදුණු හිත බලපන්නේ.......
දෙපා නැටවෙන්නට සින්දු රුප් පාරක් දමා චොකා බයිලා ගසන යුගයක ආත්මය අවදිකරවා මස්තිෂ්කයේ ගැඹුරැ තැන්වල ඔළුකටු හාරා ජීවිත පාදන මෙවැනි ගීත සදාකල්ම හදවතේ ගැඹුරැම තැන්වල නිදන්ගත වනවා නොවේද?
ඉඳුනිල් සින්දු